Türkiyənin tanınmış televiziya aparıcısı, jurnalist, sosioloq və yazar Selcan Doğruöz media sahəsindəki uğurlu fəaliyyətini yeniliklərlə davam etdirir.
2003-cü ildən etibarən TRT kanalında fəaliyyətə başlayan Selcan Doğruöz, uzun illər ərzində TRT 1, TRT Haber və TRT Türk kanallarında əsas xəbərlər buraxılışının (Ana Haber) aparıcısı kimi geniş tamaşaçı auditoriyasının rəğbətini qazanıb. Peşəkar fəaliyyəti sayəsində 2019-cu ildə “Ən yaxşı həftəsonu xəbər spikeri” mükafatına layiq görülən aparıcı, eyni zamanda bir sıra uğurlu qısametrajlı film layihələrində də yer alıb.
Televiziya karyerası ilə yanaşı akademik və ədəbi fəaliyyətini də davam etdirən Doğruöz, sosioloq kimliyi ilə müxtəlif konfranslarda çıxışlar edib. Onun qələmə aldığı “Dört Köşeli Dünya” kitabı oxucular tərəfindən böyük maraqla qarşılanıb.
Jurnalist fəaliyyəti ilə yanaşı rəqəmsal platformalarda da aktiv olan Selcan Doğruöz, yaxın zamanlarda media və mədəniyyət sahəsində yeni layihələrlə auditoriya qarşısına çıxmağı planlaşdırır.
Zaur Talıblı
