Əjdər İbrahimov bu ad təkcə Azərbaycanda, sovetlər birliyində deyil bir çox ölkələrdə məşhurdur. Vyetnamda kinonun əsasını qoyan azərbaycanlı Əjdər İbrahimov Aşqabadda dünyaya göz açıb.
Burada da orta təhsil alıb. 1940-cı ildə Aşqabad Teatr Məktəbini, 1952-ci ildə Moskvada Ümumittifaq Dövlət Kinematoqrafiya İnstitutunun Kinorejissorluq fakültəsində təhsil alıb.
O, əslən təbrizlidir. Valideynləri ötən əsrin əvvəllərində Türkmənistana köçüblər. Bir çox dünya şöhrətli filmlərə imza atan Əjdər İbrahimov Nazim Hikmətin əsərləri əsasında dörd bədii film lentə almış yeganə kinorejissordur.
Məhz onun yazdığı “Məhəbbət əfsanəsi” pyesi əsasında ilk dəfə Sovet-Türkiyə birgə istehsalı olan “Məhəbbətim mənim, kədərim mənim” filmini çəkib.
Məhin Banu və Şirin – mühitində baş verən hadisələr filmin əsasını təşkil edir. Məhin Banu – Şirinin sağ qalması üçün — bacısı Şirini ölümcül xəstəlikdən xilas etmək məqsədilə — öz gözəlliyini qurban verir. Şirin daha sonra rəssam Fərhad ilə rastlaşır və aralarında eşq doğulur. Lakin Məhin Banu həm bacısını, həm də Fərhadı sevdiyindən — bu sevgi üçbucağında — onlar arasını ayırmağa çalışır. Beləcə sevgi, fidayət, qısqanclıq və qurban ruhlu dramatik münasibətlər silsiləsi başlayır.
Filmin Türkiyədən olan həmkarlarının iştirakı ilə Mosfilm Studiyasında çəkilməsi qərara alındı.
Bu, sovet rejissorları üçün bir ilk idi; onlar əvvəllər heç vaxt türk həmkarları ilə işləməmişdilər.
Tuğra-Film Studiyası seçilir birgə qərar əsasında və İstanbulda çəkilişləri olur, filmdə iki baş rolu türk aktyorları Türkan Şoray və Faruk Peker canlandırdılar. Sevgi üçbucağının üçüncü iştirakçısı Leninqrad Kirov Opera və Balet Teatrında kəşf edilən gənc sovet balerinası idi. O, 18 yaşlı Alla Siqalova idi və əvvəllər heç bir filmdə çəkilməmişdi.
Film, ən böyük studiyanın dəbdəbəli şərq saray üslubunda rəngarəng interyerlərlə təchiz olunduğu Mosfilmdə çəkilib. Çəkiliş qrupu, Parfiya imperiyasının qədim paytaxtı Nisanın xarabalıqlarının Aşqabad yaxınlığında yerləşdiyi Türkmənistana və İstanbula səyahət edərək həm küçələrdə, həm də saraylar da daxil olmaqla, qapalı məkanlarda da çəkiliş edib.
1978-ci ildə ” Məhəbbətim mənim, kədərim mənim” filmi ekranlara çıxır, lakin türk versiyası musiqi səhnələrinin əlavə edilməsi səbəbindən bir qədər gec hazır olur.
SSRİ-də film o qədər məşhur olmadı, lakin Türkiyədə və Yaxın Şərqdə bu dramatik sevgi hekayəsi tamaşaçılar tərəfindən sevildi və tamaşaçılar personajlarla yenidən görüşmək üçün kinoteatrlara həvəslə gedirdilər.
İkinci dərəcəli rolları İrina Miroşniçenko, Vsevolod Sanayev, Anatoli Papanov, Armen Ciqarxanyan, Arçil Qomiaşvili, Vladimir Samoilov və ölümündən bir az əvvəl Adil İskəndərov çəkilib.
Prof.Dr. Zaur Aliyev
