Gecə saat 11 idi,piyada keçidlərinin birinin liftindən istifadə etmək istədim dizimdən əməliyyat olunduğuma görə pilləkəni çıxa bilmirdim,baxdım ki,lifti söndürüblər işləmir və maraq yaratdığına görə müşahidə apardım ki,neçə yerüstü piyada keçidində bu belədir,lift söndürülüb..
Şəhərin mərkəzində piyada keçidindən istifadə etmək istəyən biri üçün adi bir saat ola bilər. Amma əlil arabasında olan bir insan üçün həmin saat maneələrin saatıdır.
Bir anlıq düşünün: Əlil arabasındasınız. Piyada keçidinin aşağısına enməlisiniz. Lifti çağırırsınız işləmədiyini görürsünüz. Alternativ yol yoxdur. Geri qayıdırsınız. Yolun o biri tərəfindəki tibb mərkəzinə, bəlkə də aptekə gedə bilmirsiniz. Bu, sadəcə bir texniki nasazlıq deyil. Bu, həyata çıxışın bağlanmasıdır.
Piyada keçidi və lift qurmaq görüntüsü yaratmaqdır bu.Əgər gecə saatlarında bu liftlər söndürülürsə və ya baxımsız qalırsa, bu, artıq “mövcudluq” deyil, sadəcə “göstəri”dir.
Bu keçidlər,liftlər görüntü üçün yox 24 saat işləməsi üçün lazımdır. Əgər bu liftlər saat 11-də belə İşləmirsə, soruşmaq vaxtıdır: bu işləməyən,söndürülən liftlər kimlər üçündür?
Zaur Talıblı
