Azərbaycanın gənc və istedadlı boksçusu Elməddin Ağayev Emin oğlu idman karyerasında bir çox uğura imza atıb. O, beynəlxalq və yerli arenalarda nümayiş etdirdiyi performansı ilə həm ölkəmizin adını yüksəldib, həm də şəxsi nailiyyətləri ilə diqqət mərkəzində olub.
2017-ci ildə Gürcüstanın Batumi şəhərində keçirilən turnirdə Elməddin Ağayev erməni rəqibini nakavtla məğlub edərək, Qafqaz çempionu adına layiq görülüb. Bu uğuru ilə o, qara kəmər sahibi olaraq Azərbaycanın idman tarixində önəmli bir səhifə açıb.
2019-cu ildə yeniyetmələr arasında keçirilən Azərbaycan çempionatında qızıl medal qazanan Elməddin, ölkə daxilində idman arenasında adından söz etdirməyə davam edib. Avropa iştirakçısı və müxtəlif beynəlxalq turnirlərin qalibi olaraq, ölkəmizin bayrağını yüksəldib.
2024-cü ildə isə Elməddin Ağayev Şuşa Kubokunda qalib gələrək daha bir mühüm uğura imza atıb. Turnir “Sərhədçi” İdman Kompleksində keçirilib və Elməddin öz bacarığı ilə bütün rəqiblərini geridə qoyub.
Bundan əlavə, 15-20 dekabr 2024-cü il tarixlərində kişilər arasında keçirilən boks üzrə Azərbaycan çempionatında Elməddin Ağayev 63.5 kiloqram çəki dərəcəsində mübarizə aparıb. Bir neçə rəqibini məğlub edən idmançı, yüksək səviyyəli performansı ilə bürünc medala layiq görülüb.
Elməddin Ağayevin uğurlarla dolu idman karyerası onun 2017-ci ildə qazandığı tarixi qələbə ilə başlayıb. Gürcüstanda erməni rəqibini nakavtla məğlub edərək əldə etdiyi bu uğur, onun gələcək qələbələrinin başlanğıcı oldu. Azərbaycanın fəxri olan Elməddin Ağayevə daha böyük nailiyyətlər arzulayırıq.
Mirsahib Rahiloğlu
Doğru TV
