Azərbaycan Respublikasının İnsan Hüquqları üzrə Müvəkkilinin (Ombudsmanın) təşəbbüsü ilə ölkəmizdə elan edilən “Uşaq Hüquqları Aylığı” çərçivəsində Ombudsmanın Cənub Regional Mərkəzi, Astara Rayon İcra Hakimiyyəti, Astara rayon Heydər Əliyev Mərkəzi, Astara rayon təhsil sektoru və Astara Dövlət Rəsm Qalereyasının birgə təşkilatçılığı ilə “Uşaq hüquqlarının səmərəli müdafiəsində Müvəkkilin fəaliyyətinin hüquqi əsasları” mövzusunda maarifləndirici tədbiri keçirilib.
Regional Mərkəzin rəhbəri Ziya İsmayılov Müvəkkilin uşaq hüquqlarının müdafiəsi sahəsindəki geniş fəaliyyəti, Ombudsmanın “916” Çağrı Mərkəzi və digər müraciət vasitələri barədə tədbir iştirakçılarına məlumat verib.
Daha sonra tədbir mövzu ətrafında müzakirələrlə davam etdirilib, iştirakçıları maraqlandıran suallar cavablandırılıb.
