Qanuna görə, 16 yaşlı biri ilə cinsi əlaqədə olmaq məsuliyyət sayılmır, amma 18 yaşına çatmamış evlənmək cinayətdir. Yəni, qanunu yazanlar deyir: “sev, amma ailə qurma.”
Bu, nə məntiq, nə də mənəviyyatla uzlaşır.
Əgər 16 yaşlı uşaq ailə üçün “balaca” sayılırsa, münasibət üçün necə “böyük” olur?
Bu qəribəlik elə bil ki, qanunla vicdanın arasında qalıb. Bir maddədə deyirlər “yetkinlik 18 yaşdan başlayır”, o biri maddədə “16 yaşda da olar”. Bəlkə , qanun yazanlar düşünür ki, evlənmək məsuliyyətdir, amma münasibət yaşamaq məsuliyyətsizlikdir? Halbuki bu “sərbəstlik” cəmiyyətin ən həssas mental dəyərlərini alt-üst edir.
Biz hələ də qanunları yox, məntiqi böyütməyə çalışırıq. Çünki bu ölkədə hər şeyin yaşı çatır, bircə məntiqin yaşı hələ 18-ə çatmayıb.
