Haqq.az xəbər verir ki,Hacıqabul Rayon Mərkəzi Xəstəxanasında elektron resept sisteminin tətbiqi ilə bağlı seminar təşkil edilib.
Tədbirdə xəstəxananın direktor müavini, baş həkim İlkin Məmmədli çıxış edərək elektron reseptin mahiyyəti, məqsədi və tətbiqinin vətəndaşlara göstərilən tibbi xidmətin keyfiyyətini və sürətini artıracağı haqqında məlumat verib.Seminarda həkim və əczaçı heyətinə elektron reseptin istifadəsi ilə bağlı geniş izah təqdim olunub.
Farmakonəzarət üzrə məsul şəxs İlhamə Babayeva isə çıxışında bu sistemin dərman vasitələrinin düzgün istifadəsinə nəzarəti gücləndirəcəyini və əczaçılıq sahəsində baş verə biləcək risklərin minimuma endirilməsində əhəmiyyətli rol oynayacağını vurğulayıb.Yeni sistemin tətbiqi ilə həkimlərin iş prosesi daha optimallaşdırılacaq və pasiyentlərə daha keyfiyyətli xidmət göstərilməsi təmin olunacaq.
Bu təşəbbüs, müasir texnologiyaların səhiyyə sahəsində inteqrasiyası üçün atılan önəmli addımlardan biri kimi qiymətləndirilir.
