Toplantıya Türkiyə Respublikasının böyük dövlət banklarından olan Vakıf Bank nümayəndəsi qatıldı
AQC daxilində 17 bankı birləşdirən və qiymətləndirmə sektoru ilə bank sektorunun əməkdaşlıq platforması olan AQC Bank Ekspertlərlər Şurasının növbəti toplantısında bankların qiymətləndirici şirkətlərlə əməkdaşlıq meyarları müzakirə edilib. Şirkətlərə tələblərlə əlaqədar müzakirələrdə onların Azərbaycan Qiymətləndiricilər Palatasının üzvü olması, bankar üçün tələb olunan sahələr üzrə şəhadətnaməsinin mövcudluğu, peşə fəaliyyətinin sığortalanması əsas, peşəkar komanda, bazardakı şəffaf mövqeyi, ən azı 3 bank və ya böyük korporativ tərəfdaş tövsiyyəsi, regionlarda nümayəndəliklərinin olması, tariflərin uyğunluğu, xüsusilə sosial dövlət layihələrində və regionlara yönəlik qiymət siyasətində həssaslıq, beynəlxalq qiymətləndirmə standartlarına və ölkə qanunvericiliyinə əməl olunması, beynəlxalq birlik, xarici partnyorluq, böyük 4-lük və ya 10-luqla əməkdaşlıq nümunələrinin mövcudluğu, AQC BEŞ tərəfindən müəyyən ediləcək arzuolunmaz təşkilatlar siyasında olmaması isə köməkçi meyarlar kimi müəyyənləşdirilib. AQP tərəfindən təklif edilən tariflərin banklar üzrə müzakirəsi qərara alınıb.Dövlət İmtahan Mərkəzinin təşkil etdiyi ixtisas imtahanlarda uğur əldə etmiş bank qiymətləndirmə ekspertlərin AQP-yə üzv olmasının qarşısındakı maneələrin aradan qaldırılması xahişi ilə AQP rəhbərliyinə müraciət qəbul olunub. Toplantının ikinci hissəsində qardaş Türkiyə Respublikasının böyük dövlət banklarından olan Vakıf Bank Qiymətləndirmə Ekspertizası departamentinin rəhbəri Mustafa Akarca canlı bağlantı ilə “Türkiyədə tənzimləyici qurumda bank ekspertlərinin iştirak qaydaları, Vakıf Bank və qiymətləndirmə şirkətləri arasında əməkdaşlığın şəffaf elektron proqramının üstünlükləri” mövzusunda təqdimat çıxışı edib, sualları cavablandırıb. Mustafa Akarca Türkiyədə bank ekspertlərinin Türkiyə Qiymətləndiricilər Mütəxəssisləri Birliyinin üzvü olmasını məcburi xarakter daşıdığını, üzvlük ödənişlərinin isə üzv şirkətlərdən ciddi şəkildə fərqləndiyini bildirib. Türkiyəli ekspert toplantı iştirakçılarına təmsil etdiyi bankın timsalında qiymətləndirici şirkətlət arasında iş paylaşımının və peşəkarlıq səviyyəsinin qiymətləndirilməsi kriteriyaları barədə məlumat verib.
