Haqq.az xəbər verir ki,şair Tural Turan sosial şəbəkə hesabında 28 may-Müstəqillik Günümüzü yazdığı şeri ilə təbrik edib.Şairin paylaşımını təqdim edirik:
28 May Özgürlük Gününüzü bu şeirimlə təbrik edirəm! Şanlı Gününüz qutlu olsun!
***
28 May tablosu
Millətin ovcunda cücərən kişi,
Böyüyür Bayrağın kölgəsi gün-gün!
Yoxluqda hürr dövlət becərən kişi,
Ad qoyur, san qoyur ilkəsi gün-gün!
Sığınmışıq böyütdüyün qucağa!
Ruhumuz od verir sönməz ocağa!
Buludlar baş əyir şanlı sancağa,
Ucalır Bozqurdlar ölkəsi gün-gün!
Qarabağ qayıtdı, Zəngəzur gəlir.
İndi avazımız daha gur gəlir!
Hamamlı, İrəvan hazır dur, gəlir..!
Birləşir hər qopuq bölgəsi gün-gün!
Tural Turan
