Bakı Şəhər Mədəniyyət Baş İdarəsinin tabeliyində olan Yasamal rayon Mərkəzləşdirilmiş Kitabxana Sisteminin 3 №li kitabxana filialının təşkilatçılıqı ilə Aviasiya və Avtomobil Nəqliyyatı üzrə Bakı Dövlət Peşə Təhsil Mərkəzində Azərbaycan Hərb tarixində ilk qadın komandir, polis mayoru, şair Aidə Şirinova ilə “Qarabağ savaşında əfsanəvi qadın” adlı tədbir keçirildi.
Tədbirdə ilk öncə Azərbaycan Respublikasının Dövlət himnisi səsləndirilmiş və şəhidlərinin ruhu bir dəqiqəlik süküt ilə yad edilmişdi.
Daha sonra Aidə Şirinovanın keçdiyi döyüş yolundan bəhs edən video çarx nümayiş olunmuş və şagirdlərin ifasında Aidə Şirinovanın şerləri səsləndirilmişdi.
Aidə xanım həm Vətənə xidmət edən igid bir zabit, həm də qələmi ilə xalqımızın qəhrəmanlıq ruhunu yaşadan bir şairdir. Onun həyat yolu, mübarizəsi və söz dünyası gənclərə bir örnək, hamımız üçün isə qürur mənbəyidir.
Bu görüş şagirdlərimizin yaddaşında həm vətənpərvərlik dərsi, həm də bir qəhrəman qadınla tanışlıq kimi qalacaq.
Arzu Xudayarova
Ravin Həsənov
