Məsud Pezeşkiana müxalif İslami Təbliğat Təşkilatının əməkdaşı Şeyx Yunis Turabi Tehranda azərbaycanlıların toplaşdığı məsciddə çıxış edərək İran Prezidentinin Amerika ilə müzakirələrini tənqid edib:
“Bir kəndi idarə edə biləcək səviyyədə olmayan adamı ölkənin başına gətirəndə əlbəttə ki, o özünü itirib və Amerikanın düşmən olmadığını iddia edəcək. Ölüm olsun Amerikaya şüarı hər zaman verilməlidir və bunun əksini deyənlər ləyaqətsiz şəxslərdirlər. “.
Turabi, çıxışında Azərbaycan Respublikasının Prezidenti İlham Əliyevə qarşı da təhqiramiz ifadələr işlədib, İsrailin İrana hava hücumları zamanı Azərbaycan hava məkanından istifadə etdiyi barədə iddiaları təkrar edib.
Qeyd edək ki, gəncləri şəhid olmağa çağıran Şeyx Yunis Turabi, İsrailin hücumları zamanı ailəsi ilə birlikdə Tehrandan qaçaraq Sarabın Ərzənq kəndində gizlənmişdi.
(Günaz tv)
