Haqq.az xəbər verir ki,Aydın Hüseynov sosial şəbəkə vasitəsi ilə öz seçicilərinə belə minnətdarlıq edib:
“Əziz Qaradağlılar!
İlk dəfə olaraq tam, bütöv, suveren Azərbaycanda keçirilən parliament seçkilərində MSK-nın son nəticələrinə əsasən 37 saylı Qaradağ seçki dairəsində 78,1% səslə lider namizəd olduq.
Bu göstərilən etimad Ulu Öndərin dövlətçilik kursuna,bu kursun layiqli davamçısı Müzəffər Ali Baş Komandan, Prezident İlham Əliyevin uğurlu siyasətinə olan sədaqətin, vətəndaş mövqeyinin təcəssümüdür.
İlk olaraq namizədliyimi dəstəklədiyi üçün partiyamızın Sədri, Müzəffər Ali Baş Komandan, cənab Prezident İlham Əliyevə dərin minnətdarlığımı bildirirəm.
Seçkilərdə fəal iştiraklları ilə qələbəmizi təmin edən Qaradağlılara təşəkkür və ehtiramımı bir daha ifadə edirəm!!!”
