Avropa parlamenti həmişə Azərbaycana qarşı qərəzli düşmən mövqeyi siyasəti həyata keçirib, xüsusən ölkəmiz torpaqlarını işğaldan azad edib, suverenlik və ərazi bütövlüyümüzü bərpa etdikdən sonra Azərbaycana qarşı qərəzli və təxribat xarakterli bəyanatlar daha da genişlənib.
Avropa parlamenti rüşvət və korrupsiyalaşmış bir təşkilatdır. Bu təşkilat erməni lobbisinin və Qərbdəki Azərbaycana düşmən olan dövlətlərin, xüsusən Fransanın əlində oyuncağa çevrilib. Avropa Parlamentinin yenilənmiş deputatları əvvəlki heyətdən daha çox ölkəmizə qarşı təxribat xarakterli bəyanatları qəbul ediblər. Avropa Parlamentində üstünlük təşkil edən ifrat sağçılarda İslamafobiya,Türkəfobiya fikirləri daha qabarıq şəkildə özünü biruzə verir.
Avropa Parlamenti Azərbaycanın Qarabağ bölgəsində xalqımıza qarşı qanlı cinayətlər törədiblər, dövlətimizin ərazi bütövlüyü və suverenliyinə qarşı ağır cinayətlər həyata keçirmiş separatçıları hərbi əsir kimi qələmə verməyə çalışırlar. Özlərini demokrat, insan haqqlarının müdafiəçisi kimi adlandıran Avropa İttifaqı və Avropa Parlamenti hər kəsdə ikrah hissi yaradır.
Fransa, Niderland kimi dövlətlər XXl əsrdə də müstəmləkəçilik, neokolonializm siyasətini həyata keçirirlər. Fransa Afrikada, Şərqdə dövlətlərə və xalqlara qarşı dəhşətli cinayətlər törətmişdir. Bu gün də Yeni Kaledoniya və Dənizaşırı bölgələrdə yerli xalqlara qarşı çinayətlər davam etdirilir. Avropa İttifaqı və Avropa Parlamenti bu vəhşiliklərə, cinayətlərə göz yumur, susmaqla Fransanın müstəmləkə siyasətinə haqq qazandırmış olurlar.
Azərbaycan dövləti isə dinindən aslı olmayaraq bütün xalqların nümayəndələrinin hüquq və azadlıqlarını müdafiə edir.
Avropa Parlamenti tərəfindən 24 oktyabr tarixində qəbul edilən qətnamə, eləcə də bu qurumda baş tutan müzakirələr çərcivəsində Avropa Komissarı tərəfindən səsləndirilən əsassız və qərəzli fikirlər bir daha Avropa siyasətçilərinin düşmən mövqeyinin nümunəsidir və Azərbaycan Xarici İşlər Nazirliyi də haqlı olaraq Avropa İttifaqına nota verdi və Azərbaycan heç bir dövlətin təzyiqlərindən, hədələrindən çəkinməyən, ölkəmizə qarşı yönələn istənilən təxribata layiqli cavab verə biləcək güclü bir dövlətdir. Bu cür bəyanatlar, qətnamələr bizim üçün heç bir əhəmiyyət kəsb etmir.
Kamilə Əliyeva
BDU-nun kafedra müdiri, professor
