Haqq.az xəbər verir ki,24 noyabr 2025-ci il tarixində Şamaxı Rayon Mərkəzi Xəstəxanasında son 3 ayın fəaliyyətinin yekunlarına həsr olunmuş iclas keçirilib. Tədbiri giriş sözü ilə xəstəxananın direktoru Natiq Əliyev açaraq qurumun son aylar ərzində gördüyü işlər, əldə olunan nailiyyətlər və mövcud problemlər barədə ətraflı məlumat verib.
Natiq Əliyev çıxışında xəstəxananın fəaliyyətinin əsas istiqamətlərinə toxunaraq qeyd edib ki, həm tibbi xidmətlərin keyfiyyətinin artırılması, həm də infrastrukturun təkmilləşdirilməsi istiqamətində mühüm addımlar atılıb. O, kollektivin əməyini yüksək qiymətləndirib və görülən işlərin daha da səmərəli təşkili üçün hər kəsin üzərinə düşən məsuliyyəti vurğulayıb.
Direktor qarşıdakı dövr üçün plan və prioritetləri də diqqətə çatdıraraq pasiyent məmnuniyyətinin artırılması, personalın peşəkar inkişafı və idarəetmədə səmərəliliyin gücləndirilməsi kimi hədəflərin vacibliyini bildirib.
Sonda o, kollektivə göstərdikləri dəstəyə və fəaliyyətə görə təşəkkür edərək əməkdaşları birgə məqsədlər uğrunda daha fəal olmağa çağırıb.
